Forysta og ábyrgð

Öryggismál ferðaþjónustufyrirtækja snúa jafnt að gestum sem starfsfólki, svo að mörgu þarf að huga. Þegar stjórnendur setja öryggi í forgrunn, sýna skýrt fordæmi og viðhalda opnu samtali og reglulegri endurskoðun ferla, byggist upp meira traust og sterkari þátttaka starfsfólks. Með virkri eftirfylgni og skýrri ábyrgð í forystu festist öryggi í sessi sem hluti af daglegu starfi, sem styrkir heildstæða öryggismenningu fyrirtækisins.

 

 

Gátlisti fyrir stjórnendur til að styrkja öryggismenningu

  1. Sýna fordæmi með því að fylgja öllum öryggisferlum sjálfir.
  2. Halda reglulegar samræður um öryggi með þátttöku starfsfólks.
  3. Tryggja að endurskoðun á ferlum og áhættumati sé hluti af rútínu.
  4. Fylgja eftir ábendingum og bregðast sýnilega við þeim.
  5. Hvetja til gagnsæis og gera starfsfólki auðvelt að koma með athugasemdir.
  6. Meta hvort þjálfun og fræðsla sé uppfærð og aðgengileg öllum.