Eftirfylgni og endurskoðun

Við breytingar á vöruframboði, vinnutilhögun eða þjónustu getur þurft að uppfæra verklagsreglur og viðbragðsáætlanir. Ytri aðstæður eins og breytingar á opinberum reglum og öryggiskröfum geta einnig krafist endurskoðunar á verkferlum. Mikilvægt er að fyrirtækið setji sér skýr og mælanleg markmið í öryggismálum og endurmeti reglulega árangur.

Dæmi um mælikvarða: 

  1. Hlutfall starfsfólks sem lýkur fræðslu árlega.
  2. Fjöldi tilkynninga um atvik og úrbótatillögur.
  3. Tími frá atviki þar til úrbætur eru framkvæmdar.
  4. Eftirfylgni, endurskoðun og stöðugt aðhald gera öryggi og umbætur að órjúfanlegum þætti í starfseminni og styðja við góða öryggismenningu.