Þekktu þína stafrænu stöðu

Ferðapúlsinn

Hæfni

Fræðsluefni Rekstur og tækni Sniðmát, handbækur og verkfæri

Mælitæki á stafræna hæfni

Ferðapúlsinn er verkfæri fyrir ferðaþjónustuaðila þar sem þeir geta með einföldum hætti fengið mat á stöðu fyrirtækisins í stafrænni hæfni. Hæfnisetur ferðaþjónustunnar þróaði Ferðapúlsinn í samvinnu við Ferðamálastofu, Íslenska ferðaklasann, Markaðsstofur landshlutanna og SAF. Að þekkja stafræna stöðu og hæfni gerir ferðafyrirtækjum kleift að forgangsraða rétt, nota fjármuni markvisst og velja réttu lausnirnar. Skýr mynd af stöðunni hjálpar við að þróa hæfni starfsfólks, bregðast hratt við breyttri ferðahegðun og nýta ný markaðstækifæri - sem skilar betri upplifun og meiri tekjum.

Þekktu þína stafrænu stöðuVerkfæri fyrir ferðaþjónustuaðila

Taka Ferðapúlsinn

Hnitmiðað safn af lausnum og efni

Þegar þú hefur lokið stöðutöku í Ferðapúlsinum opnast dyr að Fræðslutorginu. Í stað þess að þurfa að leita sjálf(ur) að réttu lausnunum, höfum við tekið saman það helsta á einn stað.

Fræðslutorginu er skipt upp í 9 hnitmiðaða flokka sem fylgja niðurstöðum Ferðapúlsins. Þar er að finna fjölbreyttar tillögur að hugbúnaðarlausnum, stuðningsefni með hagnýtum leiðbeiningum og myndböndum ásamt fjölbreyttu lesefni, greinum og dýpri innsýn fyrir þá sem vilja ná forskoti.

Við vitum að stafræn vegferð er margþætt. Þess vegna er efnið flokkað á skýran hátt svo þú getir einbeitt þér að þeim þáttum sem skipta þig mestu máli hverju sinni, hvort sem það er bókunarkerfi, markaðssetning eða gagnasöfnun.

Taktu stöðuna núna því ávinningurinn er stór!

Gefðu 8–10 mínútur í Ferðapúlsinn og fáðu skýra stöðumynd strax. Að henni lokinni opnast fræðslutorg með forgangsröðuðum aðgerðum, lausnum sem smellpassa og efni sem flýtir fyrir stafrænu vegferðinni. Það styður teymið í framkvæmd, eftirfylgni og stöðugum umbótum.

Taka stöðuna

Hvað er stafræn hæfni?

Stafræn hæfni í ferðaþjónustufyrirtækjum felur í sér getu fyrirtækja til að nýta stafrænar lausnir til að bæta þjónustu, auka skilvirkni og efla upplifun gesta. Hún nær m.a. yfir gervigreind, stafræna markaðssetningu, upplýsingatækni, gagnagreiningu, netöryggi og stafræna þjónustu.

Námskeið um stafræna færni

Nú er tíminn til að hefjast handa

OECD bendir á í nýlegri skýrslu að fyrirtæki sem ekki fjárfesta í stafrænum lausnum næstu 2–3 árin eigi á hættu að missa samkeppnisforskot. Ferðapúlsinn er verkfærið sem styður íslensk ferðaþjónustufyrirtæki í þessari umbreytingu – og hjálpar þeim að vera í fremstu röð.

Lesa skýrslu OECD