Flokkun sem fjárfesting

Rétt flokkun er skilvirkt, arðbært og sýnilegt verklag sem styrkir rekstur ferðaþjónustufyrirtækja. Með skýrum merkingum og hnitmiðuðum leiðbeiningum lækkið þið sorpkostnað, minnkið kolefnisspor og sýnið gestum að sjálfbærni er hluti af daglegum starfsháttum. 

Hér finnið þið allt sem þarf: Hvað fer hvar, hvernig best er að setja upp flokkunaraðstöðu í herbergjum, eldhúsum og móttöku, og hvernig þið virkjið bæði starfsfólk og gesti til þátttöku. 

1

Fjárhagslegur ávinningur

2

Styrkt ásýnd og samkeppnishæfni

3

Samfélagsleg ábyrgð og framtíðarsýn

1.Fjárhagslegur ávinningur

Rétt flokkun getur lækkað sorphreinsunarkostnað um allt að 50 %. Hún dregur úr losunargjöldum og í sumum tilfellum getur endurvinnsluefni skilað afslætti eða tekjum – til dæmis með sölu málma eða afhendingu hreins pappa og plasts. Því meira sem fer í óendurvinnanlegt sorp, því hærri kostnaður – kostnaður sem hægt er að lækka með réttri flokkun.

Gott að hafa í huga við flokkun:

spurt og svarað

Lækkum kostnað
Vissir þú að ef skilið er eftir rusl á gólfi eða tunnur yfirfullar þá er rukkað auka losunargjald?
Sleppum pokum
Vissir þú að best er að fá endurvinnanlegt efni beint í tunnurnar því það er meiri vinna fyrir þjónustuaðila að tæma pokana?
Dýrt að nota svarta poka
Vissir þú að allir svartir pokar eru flokkaðir í óendurvinnanlegt almennt sorp sem er dýrari flokkur?