Óskum samstarfaðilum og landsmönnum öllum gleðilegra jóla og farsældar á nýju ári. Þökkum samstarfið á árinu sem er að líða. Athugið að skrifstofan er lokuð milli jóla og nýárs og opnar aftur 2. janúar kl. 9. Njótið hátíðarinnar, Starfsfólk Fræðslumiðstöðvar atvinnulífsins og Hæfniseturs ferðaþjónustunnar.
Í eftirfarandi grein sem birtist á Vísi í dag rýnir Ólína Laxdal hjá Hæfnisetrinu í sífellt vaxandi áhrif stafrænnar tækni á ferðaþjónustu og hvernig fyrirtækin þurfa að bregðast við nýjum raunveruleika.
Í dag 3.desember fögnum við alþjóðlegum degi fatlaðs fólks. Því beinum við athyglinni að baráttu fatlaðs fólks fyrir réttindum til þátttöku, sýnileika og aðgengis í samfélaginu til jafns við aðra.
Hæfnisetrinu hefur bæst öflugur liðsauki en Sigríður Pjetursdóttir hóf störf hjá okkur sem sérfræðingur þann 1.nóvember síðastliðinn.
Í síðustu viku hélt Hæfnisetrið vinnustofu fyrir stjórnendur í ferðaþjónustu um gerð starfsmannahandbóka með stafrænu sniðmáti. Þar var þeim kennt á opið vinnusvæði á vef Hæfnisetursins sem býður uppá fjölbreytt sniðmát fyrir ferðaþjónustuna, þar á meðal sniðmát að starfsmannahandbók.
Menntamorgunn ferðaþjónustunnar fór fram í morgun í beinu streymi undir yfirskriftinni „Ferðalag með Z kynslóðinni“. Þar var fjallað um hvernig Z kynslóðin sem lifir og hrærist í stafrænum heimi skipuleggur ferðalög, hvaða væntingar þau hafa til upplifunar og þjónustu og hvernig ferðaþjónustan getur sinnt þeim sem best.
Við fögnum degi íslenskrar tungu á sunnudaginn 16.nóv. Að því tilefni er upplagt fyrir fyrirtæki í ferðaþjónustu að velta því fyrir sér hver staða íslenskunnar er hjá þeim og hvort þau geti betur í því að styðja starfsfólk sitt í að efla íslenskunotkun.
Hvernig skipuleggur Z kynslóðin ferðalög sín? Hvað hefur áhrif á ákvörðunartöku hennar og hvaða væntingar hefur hún til upplifunar og þjónustu? Þessum spurningum verður svarað á næsta Menntamorgni ferðaþjónustunnar sem ber yfirskriftina „Ferðalag með Z kynslóðinni“ og fer fram miðvikudaginn 19. nóvember kl. 11:00–12:00 í beinu streymi á Facebook.
Yfirskrift fundar dagsins var „Sögur sem selja“ Þar var kastljósinu beint að því hvernig upplifunarhönnun og sagnalist geta umbreytt þjónustu í einstaka upplifun sem snertir gesti, festist í minni og styrkir ásýnd fyrirtækja, áfangastaða og sýninga. Fundurinn var ætlaður öllum sem vilja efla vörumerki sín, markaðslegan slagkraft og samkeppnishæfni í ferðaþjónustu – með því að nýta kraft frásagnar og hönnunar til að skapa dýpri tengingu við gesti.
Hæfnisetrið, Samtök ferðaþjónustunnar og Markaðsstofur landshlutanna bjóða haustið velkomið með Menntamorgni ferðaþjónustunnar þriðjudaginn 7. október
