Nám og námskeið
Námskeið fyrir ferðaþjónustu
Fræðsluaðilar um land allt eru tilbúnir að hjálpa þínu fyrirtæki að ná árangri. Hér getur þú fundið ýmis hagnýt námskeið innan þíns sviðs.
Filters
Samskipti á vinnustað
Einelti, kynferðisleg áreitni,kynbundin áreitni og ofbeldi (EKKO)
Fyrirlestur fyrir starfsmenn: Í þessum fyrirlestri verður farið yfir skilgreiningar úr reglugerð nr. 1009/2015 á EKKO, ásamt því að fara yfir helstu birtingarmyndir og hvaða afleiðingar EKKO getur haft fyrir einstaklinga og vinnustaði. Áhersla er lögð á ábyrgð og skyldur starfsmanna og stjórnenda. Í lokin er farið yfir hvað felst í jákvæðum samskiptum og hlutverk þeirra í að skapa jákvæðan starfsanda.
Vinnuvernd
Vinnugleði - námskeið
"Hvernig á að elska mánudaga"
Sálfræðingar Vinnuverndar kynna þriggja vikna námskeið sem ætlað er starfsmönnum vinnustaða. Námskeiðið miðar að því að veita starfsfólki ýmis verkfæri til að takast á við daglegar áskoranir, í vinnu og einkalífi, að auka starfsánægju og bæta líðan. Námskeiðið samanstendur af 3 kennsludögum, einu sinni í viku í tvo tíma í senn. Fyrirkomulagið er sniðið að þörfum hvers vinnustaðar þar sem valin eru þrjú viðfangsefni sem tekin verða fyrir á námskeiðinu (eitt viðfangsefni tekið fyrir á hverjum kennsludegi).
Vinnuvernd
Núvitund á gervihnattaöld
Verum viðstödd í eigin lífi
Hraði í samfélaginu er mikill, kröfur nútímans eru miklar og við erum að hugsa um og gera fjölmarga hluti í einu. Við fljótum stundum í gegnum daginn ómeðvituð um okkur sjálf og umhverfi okkar því við erum með hugann við verkefnalistann og allt sem þarf að muna, skipuleggja, gera og græja og allt það sem áður hefur gerst sem hefði mátt betur fara. Hve mikinn þátt erum við að taka í eigin lífi?
Vinnuvernd
Nýtt líf eftir starfslok
Starfslokanámskeið
Námskeiðið er hannað til að aðstoða fólk við að undirbúa sig og njóta þeirra breytinga sem verða eftir að það lýkur störfum. Á þessu námskeiði verður fjallað um allar helstu breytingar sem hafa þarf í huga við starfslok á gagnlegan og skýran hátt
Vinnuvernd
Sálfélagslegt vinnuumhverfi, einelti og áreitni
Hvað er sálfélagslegt vinnuumhverfi? Hvernig er hægt að gera áhættumat vegna sálfélagslegs vinnuumhverfis? Hvað er einelti og áreitni? Hverjir verða fyrir einelti og áreitni? Hvað geta vinnustaðir gert til að fyrirbyggja einelti og áreitni. Fjallað er um mikilvægi þess að taka markvisst á slíkum málum komi þau upp. Einnig verður sýnd og fjallað um vandaða “stefnu og viðbragðsáætlun” vegna eineltis og áreitni.
Vinnuverndarnámskeið ehf.
Þjálfun fyrir þjálfara
Train the trainer
Eitt öflugasta námskeið sem völ er á fyrir fólk í innanhúss fræðslu. Kennir sérfræðingum að miðla upplýsingum á áhugaverðan hátt.
Dale Carnegie
Þjálfun fyrir þjálfara
Stop doing-start leading
Þetta er námskeiðið þar sem þú lítur inn á við og metur hvernig leiðtogi þú ert. Þú lærir áhrifaríkar aðferðir við að byggja upp eigið sjálfstraust og einnig hvernig þú hjálpar öðrum að finna og nýta sína styrkleika.
Dale Carnegie
Stjórnun og skipulag
Markmið námskeiðsins er að gera stjórnendur meðvitaðri um eigin tímastjórnun og vinnuskipulag ásamt því að vekja þá til umhugsunar um hvernig þeir stýra sínu starfsfólki, með það að markmiði að gera þá að öflugri stjórnendum.
RM ráðgjöf
Leiðtogi í notkun gervigreindar í viðskiptum
Spunagreind eins og ChatGPT er tækni sem hefur farið eins og eldur í sinu um viðskiptaheiminn. Mörg fyrirtæki eru að reyna að endurhugsa verðmætasköpun og nota gervigreind sem hluta af lausnum og þjónustu.
RM ráðgjöf
Þjálfun fyrir þjálfara
Starfar þú í ferðaþjónustu? Vilt þú taka þátt í því að koma íslenskri ferðaþjónustu í fremstu röð á næstu 3-5 árum? Þá er Segull – Leiðtogaþjálfun ferðaþjónustunnar fyrir þig. Segull felur í sér 20 - 30 klst nám (Leiðtogi í ferðaþjónustu) sem annars vegar stafrænt nám og hins vegar vinnustofur.
Akademias