Opin samskipti og umbun
Öflug öryggismenning byggir á trausti og opnum samskiptum. Í ferðaþjónustu, þar sem starfsemi er oft hraðskreið, árstíðabundin og byggir á fjölbreyttu starfsfólki, er traust og skýrt verklag lykill að sterkri öryggismenningu. Stjórnendur bera ábyrgð á að skapa umhverfi þar sem starfsfólk treystir sér til að tilkynna atvik, óhöpp og fyrirboða, án ótta við gagnrýni eða refsingu. Markviss skráning og eftirfylgni gerir fyrirtækjum kleift að greina áhættu tímanlega og grípa til aðgerða áður en alvarleg slys verða.
Gátlisti fyrir stjórnendur fyrir opin samskipti, traust og öruggt tilkynningaferli
Skýrt verklag er til staðar um hvernig tilkynna á atvik, óhöpp og næstum-slys.
Allt starfsfólk fær kynningu á tilkynningaferli við upphaf starfs.
Tilkynningakerfi er einfalt, aðgengilegt og hentar daglegum rekstri. Fyrirtæki geta nýtt sér þjónustu eins og tilkynna.is eða innleitt eigin verklagsreglur.
Hægt er að senda inn nafnlausar tilkynningar til að auka traust.
Allar tilkynningar eru greindar og nýttar til markvissra úrbóta.
Starfsfólk fær upplýsingar um hvaða aðgerðir hafa verið gerðar í kjölfar tilkynninga.
Ábyrg hegðun og ábendingar um úrbætur eru viðurkenndar og metnar að verðleikum.
Tilkynningar leiða ekki til refsinga eða neikvæðrar gagnrýni.
Forðast ber að umbuna eingöngu fyrir „slysalausan tíma“, þar sem slíkt getur dregið úr heiðarlegri skráningu.