Ársskýrsla Hæfnisetursins 2025 komin út

Ársskýrsla Hæfniseturs ferðaþjónustunnar fyrir starfsárið 2025 er nú komin út.

Um var að ræða viðburðaríkt ár þar sem áfram var unnið markvisst að uppbyggingu lausna sem styðja við hæfni, fagmennsku og gæði í íslenskri ferðaþjónustu. 

Á meðal helstu verkefna ársins var innleiðing Ferðapúlsins, nýs mælitækis fyrir stafræna hæfni fyrirtækja, sem veitir mikilvæga innsýn í stöðu og þróun stafrænnar vegferðar greinarinnar. Jafnframt var lögð áhersla á þróun stafræna vinnusvæðisins á hæfni.is þar sem aðgengilegt stuðningsefni og sniðmát fyrir fyrirtæki hefur vaxið og eflst.

Á árinu voru haldnar fjölmargar vinnustofur og fræðsluviðburðir víðs vegar um landið, í nánu samstarfi við hagaðila ferðaþjónustunnar. 

Mikil áhersla var lögð á samtal við atvinnugreinina og að tryggja að verkefni Hæfnisetursins endurspegli raunverulegar þarfir fyrirtækja.