Fyrirtækjamenning

Fyrirtækjamenning mótar hvernig unnið er innan fyrirtækis, hvernig samskipti fara fram, hvernig ákvarðanir eru teknar og hvernig brugðist er við áskorunum. Hún birtist í daglegu starfi og í upplifun gesta og starfsfólks. Oft er henni lýst einfaldlega sem „hvernig við gerum hlutina hérna“. Í ferðaþjónustu hefur fyrirtækjamenning bein áhrif á gæði þjónustu, öryggi og orðspor. Þjónustan er mannleg og byggir á trausti, samvinnu og fagmennsku. Þegar menningin er sterk og sameiginleg eiga starfsmenn auðveldara með að taka góðar ákvarðanir, jafnvel undir álagi eða í ófyrirséðum aðstæðum. Með markvissri vinnu geta ferðaþjónustufyrirtæki byggt upp menningu sem styður við starfsfólk, eykur samkeppnishæfni og styrkir upplifun gesta og þar með íslenska ferðaþjónustu í heild.

1

Hvernig birtist sterk fyrirtækjamenning?

2

Af hverju skiptir hún máli í ferðaþjónustu?

3

Viltu lesa meira? (enska)

1.Hvernig birtist sterk fyrirtækjamenning?

Þegar menningin er sterk eykst samheldnin, starfsánægja batnar og í kjölfarið skapast vinnuumhverfi þar sem fólk nýtir hæfni sína til fulls. Þannig geta bæði nýir og reyndir starfsmenn tekið betri ákvarðanir og skilað meiri gæðum í þjónustu. 

Sterk fyrirtækjamenning birtist m.a. í:

  • Samheldnu og öflugu starfsfólki
  • Skýrum viðmiðum og sameiginlegum gildum
  • Öruggu vinnuumhverfi þar sem fólk treystir hvert öðru
  • Stöðugri, áreiðanlegri og vinalegri þjónustu
  • Árangri sem heldur áfram að byggjast upp þrátt fyrir álag og árstíðasveiflur
  • Lærdómsmenningu þar sem mistök eru nýtt til umbóta

 

 

Stjórnendur gegna lykilhlutverki í að móta og viðhalda fyrirtækjamenningu. Með skýrum tilgangi og sameiginlegum gildum er auðveldara að skapa sameiginleg viðmið um hvernig unnið er og hvernig þjónusta er veitt. Menning styrkist einnig þegar stjórnendur sýna fordæmi í hegðun og samskiptum, styðja við opið samtal og umbætur og tryggja að mótttaka og þjálfun nýlliða sé til fyrirmyndar. Slík vinna hjálpar til við að skapa traust, skýrari væntingar og stöðugri þjónustu. Í raun mótast fyrirtækjamenning ekki af stefnum einum saman, heldur af daglegum ákvörðunum og því hvernig fólk vinnur saman frá degi til dags.

Lykilskref til að byggja upp sterka fyrirtækjamenningu

spurt og svarað

Lausnir og verkfæri sem styðja við sterka fyrirtækjamenningu

Að byggja upp sterka fyrirtækjamenningu er samspil meðvitaðrar vinnu og lífræns ferlis. Hér eru nokkrar lausnir sem geta hjálpað ferðaþjónustufyrirtækjum að móta og styrkja menningu sína.  

 

Góð starfsmannahandbók eflir fyrirtækjamenningu

Góð starfsmannahandbók eflir fyrirtækjamenningu

Á stafrænu vinnusvæði okkar er einfalt að búa til eigin starfsmannahandbók

Hæfni TV

Hæfni TV

Á Hæfni TV finnurðu ýmis góð myndbönd sem snúa að fyrirtækjamenningu

Hvað finnst starfsfólkinu?

Hvað finnst starfsfólkinu?

Hér finnurðu ýmsar kannanir sem snúa að starfsánægju og fræðsluþörfum starfsfólks