Hvað er fyrirtækjamenning?

Fyrirtækjamenning birtist í „hvernig við gerum hlutina hérna“. Hún er samspil gilda, hegðunar, vinnubragða og viðhorfa sem móta daglega upplifun starfsfólks og viðskiptavina.
Í ferðaþjónustu skiptir menning sérstaklega miklu máli því þjónustan er mannleg, persónuleg og byggir á trausti og jákvæðri upplifun.

Sterk fyrirtækjamenning birtist m.a. í:

• samheldnu og öflugu starfsfólki
• skýrum viðmiðum og sameiginlegum gildum
• stöðugri, áreiðanlegri og vinalegri þjónustu
• árangri sem heldur áfram að byggjast upp þó álag og árstíðasveiflur séu miklar

Þegar menningin er skýr geta bæði nýir og reyndir starfsmenn tekið betri ákvarðanir – og skilað meiri gæðum í þjónustu.