Veitingar

Hér má finna safn ýmissa algengra orða og frasa sem notaðir eru í ferðaþjónustunni og geta auðveldað samskipti á vinnustað. Listarnir eru á þremur tungumálum: íslensku, ensku og pólsku og jafnframt eru í boði veggspjöld til útprentunar. Fagorðalistarnir voru unnir í samstarfi við SAF og starfsgreinaráð matvæla-veitinga-og þjónustugreina.

Nauðsynlegt er að starfsfólk á veitingastöðum kunni að meðhöndla matvæli á öruggan og réttan hátt til að koma í veg fyrir matarsýkingar. Algengustu ástæður matarsýkinga eru þegar ekki er rétt staðið að hreinlæti, hitun, kælingu og geymslu á mat.

Snyrtimennska og hreinlæti skapa ekki aðeins jákvæða ímynd veitingastaða heldur eru einnig mikilvæg öryggisatriði. - Ef illa er staðið að hreinlæti getur það valdið veikindum.

Þú þarft að vera vakandi fyrir þörfum gestanna og kunna að lesa í aðstæður þeirra. Eru gestirnir að flýta sér eða eru þeir að njóta? Eru þeir á rómantísku stefnumóti, viðskiptafundi eða er um að ræða barnafjölskyldu? Eru þau ein á ferð eða í hóp? Slíkt skiptir máli með tilliti til þess hvort að gestirnir vilji frekar fá snögga og fagmannlega þjónustu eða hvort að þeir vilji spjalla við þjóninn á aðeins persónulegri nótum.

Að taka á móti kvörtunum er algengur og eðilegur hluti af því að starfa í þjónustu. Ef að rétt er staðið að málum og vel unnið úr kvörtunum er auðveldlega hægt að breyta neikvæðri upplifun í jákvæða. Stjórnendur þurfa að skýra hversu langt starfsmenn mega ganga í að bæta fyrir það sem miður hefur farið. Þegar þú tekur á móti óánægðum viðskiptavini er gott að beita virkri hlustun

Fjölbreytni veitingastaða er jafnmikil og þeir eru margir. Áherslurnar eru margvíslegar og þjónustan getur verið mismunandi eftir stöðum. Hafðu í huga að grunnurinn er alltaf sá sami; að veita sem besta þjónustu. Flestir veitingastaðir fylgja ákveðnu ferli frá því tekið er á móti gestum þar til þeir yfirgefa veitingastaðinn. Hér er dæmi um algengt þjónustuferli í 9 skrefum.