Einelti, áreitni og ofbeldi (EKKO)

Skammstöfunin EKKO stendur fyrir  einelti, kynferðislega áreitni, kynbundna áreitni og ofbeldi. Mikilvægt er fyrir vinnustaði að fyrirbyggja og bregðast skjótt við ef uppvíst verður um slíka hegðun því hún hefur ekki einungis áhrif á heilsu, öryggi og starfsánægju starfsfólks heldur getur einnig skaðað vinnustaðamenningu til lengri tíma. Með skýrum reglum, fræðslu og viðbragðsáætlun er hægt að skapa öruggt og heilbrigt vinnuumhverfi þar sem starfsfólki líður vel.

Kynntu þér stuðningsefni fyrir stjórnendur og starfsfólk – þar á meðal leiðbeiningar, gátlista og úrræði sem hjálpa til við að koma í veg fyrir og takast á við slík mál faglega og með trúnaði.