Fræðsluefni
Fræðsluefni
Hér getur þú fundið fjölbreytt úrval verkfæra fyrir stjórnendur og starfsfólk til að efla hæfni og gæði.
Filters
Hæfni TV
Myndbandasafn Hæfniseturs ferðaþjónustunnar
Hæfni TV er myndbandasafn Hæfniseturs ferðaþjónustunnar þar sem finna má fjölbreytta fræðslu fyrir starfsfólk ferðaþjónustunnar. Hér má til að mynda finna myndbönd um ólík viðfangsefni tengd fagmennsku, þjónustu, rekstri, sjálfbærni og þróun í greininni, auk upptaka af viðburðum á borð við Menntamorgna ferðaþjónustunnar. Endilega skoðaðu hvað Hæfni TV hefur upp á að bjóða.
Hæfni
Málstefna
Byrjaðu strax - með tilbúnu sniðmáti
Skýr málstefna er mikilvægur grunnur fyrir góð samskipti, fagmennsku og gæði í ferðaþjónustu. Með sameiginlegum viðmiðum um tungumálanotkun geta fyrirtæki auðveldað samstarf starfsfólks og stutt við notkun íslensku í daglegu starfi. Hér má finna sniðmát að málstefnu, leiðbeiningar um hvernig fyrirtæki geta mótað eigin stefnu og hagnýtar leiðir til að efla notkun íslensku í daglegu starfi.
Hæfni
Hagnýtar leiðir til að efla notkun íslensku
Stuðlum að notkun íslensku
Ferðaþjónusta á Íslandi hefur vaxið ört og laðar að sér gesti og starfsfólk frá öllum heimshornum. Með því að stuðla að notkun íslensku í ferðaþjónustu varðveitum við ekki aðeins þann einstaka fjársjóð sem felst í tungumálinu, heldur bætum við upplifun gesta og stuðlum að inngildingu innan fyrirtækisins. Íslenskan með sínar sögulegu rætur og menningarlegu þýðingu, er mikilvægur hluti af arfleifð og sjálfsmynd þjóðarinnar.
Hæfni
Gerðu þína eigin starfsmannahandbók
Byrjaðu strax – með tilbúnu sniðmáti
Starfsmannahandbók er lykillinn að fagmennsku, skýrleika og góðri starfsmenningu. Hún tryggir að allir starfsmenn viti hverjar reglurnar eru, hvaða gildi fyrirtækið stendur fyrir og hvernig við vinnum saman til að skapa frábæra upplifun fyrir gesti og starfsfólk.
Hæfni
Öryggismenning
Hjartað í ábyrgri ferðaþjónustu
Öryggismenning vísar til þeirra viðhorfa, hegðunar og gilda sem móta hvernig öryggismál eru metin, rædd og framkvæmd innan fyrirtækis. Hún endurspeglar hversu vel öryggi er samþætt daglegu starfi, bæði í ákvörðunum stjórnenda og í viðhorfi starfsfólks. Í ferðaþjónustu snýr öryggi að velferð bæði gesta og starfsfólks og þar gegna stjórnendur lykilhlutverki. Hér má finna hagnýt ráð og lausnir til að styrkja öryggismenningu.
Hæfni
Fyrirtækjamenning
Nýtum hæfnina til fulls
Fyrirtækjamenning mótar hvernig unnið er innan fyrirtækis, hvernig samskipti fara fram, hvernig ákvarðanir eru teknar og hvernig brugðist er við áskorunum. Hún birtist í daglegu starfi og í upplifun gesta og starfsfólks. Í ferðaþjónustu hefur fyrirtækjamenning bein áhrif á gæði þjónustu, öryggi og orðspor. Hér má finna lykilatriði og lausnir til að byggja upp sterka fyrirtækjamenningu og skapa vinnuumhverfi þar sem fólk nýtir hæfni sína til fulls.
Hæfni
Fræðslugreiningar
Lausnir og áætlanir
Starfsemi í ferðaþjónustu einkennist af miklum hraða, árstíðasveiflum og síbreytilegum væntingum gesta, m.a. í stafrænum bókunum og kröfum um sjálfbærni. Kerfisbundin fræðslugreining gerir fyrirtækjum kleift að kortleggja skort á hæfni, meta áhættu og forgangsraða fræðslu sem skilar mælanlegum rekstrarárangri. Hér geta stjórnendur og starfsfólk fundið lausnir til að framkvæma fræðslugreiningar og setja upp fræðsluáætlanir.
Hæfni
Stafræn þróun ferðaþjónustunnar
Leiðarvísir að þinni vegferð
Íslensk ferðaþjónusta stendur á krossgötum tækni og mannlegrar upplifunar. Til að blómstra í þessu umhverfi þurfa stjórnendur að líta á starfsfólkið sem sína dýrmætustu auðlind og tæknina sem helsta bakhjarlinn. Stafræn umbreyting er forsenda þess að viðhalda samkeppnishæfni í skugga aukinnar kostnaðarvitundar og vaxandi væntinga gesta. Hér að neðan er leiðarvísir að þinni vegferð, frá traustum grunni til sjálfbærrar framtíðar.
Hæfni
Einelti, áreitni og ofbeldi
EKKO
Mikilvægt er að fyrirbyggja og bregðast skjótt við einelti, áreitni og ofbeldi á vinnustað. Með skýrum reglum, fræðslu og viðbragðsáætlun er hægt að skapa öruggt og heilbrigt vinnuumhverfi þar sem starfsfólki líður vel. Kynntu þér stuðningsefni fyrir stjórnendur og starfsfólk, þar á meðal leiðbeiningar, gátlista og úrræði sem hjálpa til við að koma í veg fyrir og takast á við slík mál faglega og með trúnaði.
Hæfni
Fagorðalistar ferðaþjónustunnar
Hjálpa starfsfólki og gestum að skilja hvert annað
Um er að ræða orðasafn algengra orða og frasa sem notaðir eru í ferðaþjónustunni og geta auðveldað samskipti á vinnustað. Fagorðalistar ferðaþjónustunnar auðvelda samskipti, stuðla að betri þjónustu og hjálpa starfsfólki og gestum að skilja hvert annað.
Hæfni